فورٹ عباس: غیر قانونی ہاؤسنگ سکیموں کے خلاف کارروائی، انتباہی بینرز آویزاں، ریونیو لین دین بلاک

فورٹ عباس: ڈپٹی کمشنر بہاولنگر سید محمد عباس شاہ کی ہدایت پر فورٹ عباس میں میونسپل کمیٹی کی حدود میں قائم تمام غیر قانونی ہاؤسنگ سکیموں کے خلاف کارروائی کا آغاز کر دیا گیا ہے۔ اس سلسلے میں ان سکیموں پر انتباہی بینرز آویزاں کر دیے گئے ہیں، جبکہ ان سے متعلق تمام ریونیو لین دین بھی بلاک کر دیا گیا ہے۔

ضلعی انتظامیہ کے مطابق یہ اقدامات شہریوں کو غیر قانونی ہاؤسنگ سکیموں میں سرمایہ کاری سے محفوظ رکھنے اور عوامی مفاد کے تحفظ کے لیے کیے گئے ہیں۔ انتظامیہ نے خبردار کیا ہے کہ غیر قانونی ہاؤسنگ سکیموں کے خلاف قانون کے مطابق سخت کارروائی کا سلسلہ جاری رکھا جائے گا اور کسی کو بھی قواعد و ضوابط کی خلاف ورزی کی اجازت نہیں دی جائے گی۔

ضلعی انتظامیہ نے عوام سے بھی اپیل کی ہے کہ کسی بھی ہاؤسنگ سکیم میں سرمایہ کاری یا پلاٹ کی خریداری سے قبل متعلقہ اداروں سے اس کی قانونی حیثیت کی تصدیق ضرور کریں تاکہ کسی بھی ممکنہ مالی نقصان سے بچا جا سکے۔