فورٹ عباس کی سیون آر کینال میں 50 فٹ چوڑا شگاف، کئی ایکڑ کپاس زیرِ آب

فورٹ عباس (نمائندہ خصوصی): فورٹ عباس کے سیون آر کینال میں تقریباً 50 فٹ چوڑا شگاف پڑنے سے کئی ایکڑ پر کھڑی کپاس کی فصل زیرِ آب آگئی۔ شگاف کے باعث نہری پانی تیزی سے زرعی اراضی میں داخل ہوگیا، جس سے کاشتکاروں کو فصلوں کے نقصان کا خدشہ ہے۔

مقامی افراد کے مطابق شگاف پڑنے کے بعد محکمہ انہار کا عملہ فوری طور پر موقع پر موجود نہیں تھا، جس کے باعث پانی کے پھیلاؤ پر قابو پانے میں مشکلات کا سامنا رہا۔ متاثرہ کاشتکاروں نے متعلقہ حکام سے فوری طور پر شگاف پر کرنے اور پانی کا بہاؤ روکنے کے لیے ہنگامی اقدامات کا مطالبہ کیا ہے۔

کاشتکاروں نے کہا ہے کہ بروقت کارروائی نہ کی گئی تو مزید زرعی رقبہ زیرِ آب آنے اور کپاس کی فصل کو بڑے پیمانے پر نقصان پہنچنے کا خدشہ ہے۔